Mark 13:24-31
Ndizulu yi Muana Mutu
(Matayi 24.29-35 ; Luka 21.25-28)
24Ziphasi zi bilumbu beni bu ziela manisa, bunathangu yela tumbu nomba ;
ngondi yela zimbisa miezi miandi
25 zimbuetete ziela doduka tona mu diyilu nate va ntoto
ayi lulendo lu diyilu luela nikuka.
(Luka 21.29-33)
26Buna bosi bela mona Muana Mutu wela kuizila mu matuti mu lulendo loso ayi mu nkembo wunneni. 27Wela tuma zimbasi ziandi mu zitsongi zioso ziya zi ntoto mu kutikisa batu boso bobo Nzambi kasobula va nza yimvimba, tona ku tonina nza nate ku sukinina nza.28Bika buabu lulonguka dilongi di nti wu figi. Enati matafi mandi mekamalebila ayi matonini totula meza, buna luzebi ti thangu mvula yifikimini. 29Beno mamveno bobuawu, buna luela mona mambu moso momo buna luzaba ti Muana Mutu weka nduka kuiza, banga ti niandi weka va muelo. 30Bukiedika ndikulukamba ti tsungi yayi yilendi kiviokila ko tuamina mambu moso mama mavangama. 31Diyilu ayi ntoto biela vioka vayi Mambu mama malendi vioka ko.
Copyright information for
YomNWM